Starfsbraut FB

Í morgun voru búnir til góðir drykkir úr jógúrt, jarðaberjum og krækiberjum sem nemendur tíndu í síðustu viku.

Fyrstu kennsluviku haustannar 2010 lauk með vel heppnaðri berjaferð sl. föstudag. Haldið var að Úlfarsfelli þar sem nóg var að berjum. Allir komu með full ílát heim, bæði kennarar og nemendur.

Kennsla hófst á starfsbraut FB mánudaginn 23. ágúst. Nemendur hittu umsjónarkennara sína í fyrsta tímanum en svo var haldið í íþróttahús skólans.

Stundatöflur nemenda á starfsbraut verða afhentar föstudaginn 20. ágúst kl. 12:00 í stofu 17. Kennsla hefst samkvæmt stundaskrá mánudaginn 23. ágúst.

Dagana 3. – 5. maí voru sex nemendur og þrír kennarar í útskriftarferð í London. Hópurinn gisti á Travelodge hótelinu sem er í göngufæri við Covent Garden, Soho og Oxford Street. Neðanjarðarlestir voru aðalferðamáti hópsins og voru nemendur fljótir að læra á rúllustigana, lestarhliðin og vera snöggir að fara inn og út úr lestunum.